• sawmeyeah 5w

    Aaj bas sabh wapis laut jana chahte hai,
    Sukkon chahne ki baatein karta tha zamana
    abh mil raha hai toh kisiko raas nahi aa raha.
    Shikayate bahut hai sabhko sabhi se.
    Par koi ek nahi hona chahta.

    Aaj bas sabh wapis laut jana chate hai,
    Kya karogey iss rihai ka?
    Kya karogey hisaabh karke abh kisi dusre mulk ke dard ka?
    Aaj yaad bhi nahi hai kisiko kisike dharm ka
    kaisa hai yeh marz jo saath lana chata hai sabhko.

    Dar abh kisiko andheri raaton ka nahi
    kyunki yeh raatein toh abh apni aagosh mai sula deti hai.
    Yeh dar hai din ke ujale ka,
    Zara ek baar sir utha ke toh dekho,
    Iss asmaan ko, jo abh saaf dikne laga hai.

    Tum pucho toh apne app se tumhe kis baat ki takleef hai?
    Abh toh tumse yeh koi sawaal puchna hin nahi chahta.
    Kyunki samajna tumhe ata nahi,
    Aur itehad tum samajna chahte nahi.

    Toh phir mushkil kaise kisne aur kitni di,
    yeh mai sochna nahi chahta.
    Yeh nafrat kya hoti hai mujhe nahi pata,
    Na pata hai mujhe meri likhawat ke fayede.

    Bas abh mai yehi rukna chahta hun,
    Wapis wahi lautne ke liye jaha se aya tha
    Thoda taherna chahta hun
    Ladna bhi chahta hun,
    Apni rihai ke liye. .