• rumanrulesneverend 6w

    Aankhon ki nami lakh chupa lu tumse,
    Dil k dard apni jhuthi muskurahat se daba lu kaise,
    Tum to meri dabi saanson ko bhi mahsus kar lete ho,
    Fir kis haq se apni takleef chupaon tumse.

    Mere kadmo ki aahat ko bhi tum pehchan lete ho,
    Mere unkahe alfazo ko bhi padh lete ho,
    Kaise kahun tumse ke meri zindagi hamein juda kar rahi hai,
    Kaise kahun tumse ke meri zindagi mera saath chod rahi hai,
    Kaise kahun tumse ke meri mohabbat mujhe dafna rahi hai,
    Kaise kahun tumse ke tumne mujhe aaj jo gulab diya kal woh meri kabar par chadega.

    Kaise kahun tumhare aankhon mein tumhe meri tasveer ke alava,
    Mere aankhon mein ek bhi aansu tumhe gawara na tha,
    Kaise kahun kal meri wajah se tumhare aankhon mein aasu honge,
    Duniya mein mujhe sabse zyada tumhare labon ki muskurahat aziz thi,
    Kaise kahun kal usi muskurahat ki qatil hongi main.

    Kaise kahun ke main wada zindagi bhar sath ka tod rahi hoon,
    Kaise kahun ke main pal pal maar rahi hoon.
    Kaise kahun ke main tumhe chod duniya se rukhsat le rahi hoon,
    Tum mujhe apni jeene ki wajah banate aaye,
    Kaise kahun ke main zindagi ab har chuki hoon.

    Kaise kahun ke meri yeh aakhri raat kaise gujregi,
    Fir jab kal tumhari aankhen khulegi, meri aankhen hamesha ke liye band ho jayengi,
    In ruki dhadkano se kaise kahungi tumhe rota dekh meri ruh bhi tadap rahi hongi....
    ©rumanrulesneverend

    #mirakee #rumanrulesneverend #writersnetwork #pod #mohabbat #love #poetry

    Read More

    Poetry
    (Read Caption)


    ©rumanrulesneverend