• psycho_writer 5w

    Sab thik toh hai

    Unhe lagta hai sab theek hai
    Chehre pe raunak jo hai mere
    Khamosh hoon koi wajah nahin poochta
    Andhera hai ghar, koi laa do savere


    Andar hai kuch, kuch ajeeb sa mann 
    Kis-Kis se ladu, kaun hai dushman
    Koshish kar chuka main
    Laakh samjhaane ki
    Par woh zid pe ade hain, meri laash sajaane ki

    Galti meri thi main maanta hoon
    Ab toh maaf karo main maafi bhi maangta hoon
    Mera dum ghutta hai wahan nahin raha jaata
    Tum samajhne ki koshish karo
    Mujhe kuch samajh nahin aata


    Tumne kaha tha mujhse ki
    Mujhe khush dekhna chaahte ho
    Ab kya hua ab kyun khud hi mujhe
    Pal-Pal maar rahe ho


    Mujhe waqt chahiye thoda sa
    Main woh kar dunga jo kisine nahin kiya
    Waada hai mera, Riha kardo
    Tumhne mujhpe.....Itna bhi bharosa nahin kya?


    Main sota nahin hoon aaj kal raat ko bhi
    Aankhon se aansoon bhi dekhe nahin honge kabhi
    Chup-Chup ke roya meri pareshaani chupa ke
    Har chehre ke aage thak chuka muskuraake


    Maine itni himmat lake sab kuch toh bata diya tha
    Mujhe laga tha tum sab samajh jaoge
    Aur mera saath doge na?


    Mujhe laga tha tumhe meri fikra sabse zyada hai
    Par uss din pata chala ki yeh samaaj tumhare liye
    Mujhse pehle aata hai


    Zid kari tumne bhi, maine bhi kaafi zid kari
    Maine meir haalat zaahir ki, kitni dafa toh uff kari
    Thoda samjhaane ke baad mujhe laga
    Meri baat pe gaur karoge
    Har baar meri ummewd se alag ho tum 
    Har baar hi kuch aur karoge


    Main saath nahin maang raha
    Main waqt maang raha tha
    Mushkil iss mein kya tha
    Kaunsi jannat maang raha tha

    Main toota tha uss din kaafi
    Jo bewajah ki saza di


    Waise khud bhi takleef hogi baad mein
    Abhi toh main hi jhelunga
    Aaj aansoon mere dikhe nahin 
    Kal ko khud apni galti ka pachtaava toh hoga


    Jung ka maidaan bana hua hai
    Kaun jeetega - kaun haarega
    Fihaal khud se ladh raha hoon 
    Kab se .......
    Nahi pata...........!!!
    ©psycho_writer