• ganeshbhujbal 7w

    बोजड

    बोजड शब्दाच ओझं झालंय
    शब्द अन वलय पूर्ण झालंय

    अपेक्षित अनपेक्षित असच
    सार काही घडत चाललंय

    शब्दाचं ओझंच खूप झालंय
    मणामणाच ओझं पडलंय

    शब्दही कंठविहिन झालेत
    अव्यक्ततेच्या गर्तेत अडकलेत

    गर्दीत धावतो ऐसा एकलाच
    असून साऱ्यात असा निर्जन

    भावरूप अव्यक्त मनीचे विश्व
    अंतरी भावनाच ओझं बनलंय

    घुसमटून जातोय माझा जीव
    व्यक्त करणं अशक्य झालंय

    धावत धावत खूप दूर आलोय
    मित्र सगे सोयरे एकला पडलोय

    व्यक्त व्हावं तर सारेच हसतील
    दुखाच माझ्या भांडवल करतील

    खंत उरली आहे अजुनी मनात
    कमावला नाही मी सख्खा मित्र

    सहजच व्यक्त होईल जिथे सार
    तोही आधार बनून असेल सोबत

    खंत आणि शब्दाच ओझं घेऊन
    शोधतो आहे हक्काच व्यासपीठ

    शब्दाचं ओझं जिथे हलकं होईल
    मन स्वच्छंदी बनून उडत होईल
    ©ganeshbhujbal