• raghavbumb 22w

    My farewell note to a brother.

    Read More

    Dard se kafi dafa waqif hua tha main
    Par ye dard kuch alag tha.

    Akela rehne ki toh jaise aadat si ban gai thi
    Par ye akele hone ka darr kuch alag tha.

    Apno ko paane ki khwahish nahi ki thi kabhi
    Par iss apne ka milna kuch alag tha.

    Yaaron ki koi kami nahi thi zindagi mein
    Par ek bade bhai ka aesa jana kuch alag tha.

    Waise toh dil hazaron baar bhar chuka tha
    Par is baar ye bojh kuch alag tha.

    Aansoon shayad anginat nikle hain in aankhon se
    Par in ashkon ka ehsaas kuch alag tha.

    Dua toh hamesha ye ki hain ki sab khush rahe
    Par is dua mein chupa jazbaat kuch alag tha.


    ©raghavbumb