• gayatriingle 10w

    Inn dino aksar main khoj main rehti hu
    Kabhi aasman ko dekhte, apne khayalon ki khoj karti hu
    Kabhi giili ki mithi ki saundi khushbu mein, beete lamhon ki yaadein khojti hu
    Kabhi der raat tak intezaar karti hu
    Ki baadalon mein se chaand luka chupi khelega
    Chupke se mera khayaal puchne aaega
    Inn dino aksar main khoj mein rehti hu
    Koi ghazal sunti hu toh unn mein apne jazbaat dhundti hu
    Khoye hai jo alfaaz unki talaash karti hu
    Aankhein mundu toh sapno ki khoj karti hu
    Main duniya ki bhiid mein
    Khud ko dhundti phirti hu