• the_sparkle_soul 5w

    Self composed poem on dussehra
    Title- Chalo iss dussehre kuch naya karte hai.
    Happy dussehra to all of you

    Read More

    Dussehra

    Chalo iss dussehre kuch naya karte hai,
    Chalo iss dussehre phir ravan ka ant (अंत) karte hai.
    Nahi woh satyug wala ravan nahi,
    Khud ke andar base uss ravan ka ant karte hai,
    Chalo iss dussehre kch naya karte hai.

    Chalo iss dussehre raven ka ant na karke
    Ek naye Ram ko janam dete hai
    Chalo iss dussehre burayi par achayi ki jeet ko peeche chod,
    Khud achha bankar dikhate hai,
    Chalo iss dussehre kuch naya karte hai.

    Woh toh phir bhi satyug vala ravan tha
    Woh toh phir bhi gyani tha,
    Usne toh chunotiyo ka saamna bhi kiya tha aur
    Ram ke aage jhuka bhi tha
    Woh to phir bhi khud ke liye lada tha,
    Ham toh khud se hi ladte hai
    Chalo iss dussehre apne andar base (बसे) uss ravan ka ant karte hai
    Chalo iss dussehre kuch naya karte hai.

    Chalo na uss putle vale ravan ka ant na karke
    Apne andar ke ravan ko jalate hai
    Chalo na uss satyug vale ravan ka ant na karke
    Apne andar ke Ram ko jagaate hai
    Chalo iss dussehre kuch naya karte hai.

    Shayad tum bhi ravan ho
    Shayad mai bhi ravan hu
    Shayad ham sabhi ravan hai
    Phark (फर्क) bas yahi hai ki hamare das sar nhi dikhte
    Janab aakhir chupane mai to ustad hai na ham.

    Woh ravan to phir bhi Lanka ka raja tha
    Woh to phir bhi puja jaata tha
    Par iss kalyug ke ravan ka kya
    Jo khud ka dushman bana ghumta hai
    Chalo iss dussehre kalyug vale ravan ka ant karte hai
    Chalo iss dussehre kuch naya karte hai.

    Mai haar jaau aur mujh par hasen woh ravan
    Mai ghir jaau aur mujh par hasen woh ravan
    Mujhe iss zindagi ke makadjaal mai uljha de ravan
    Mujko mujhse hi cheen le woh ravan
    Chalo iss dussehre har uss ravan ka ant karte hai, aur naye Ram ko janam dete hai
    Chalo iss dussehre kuch naya karte hai
    Chalo iss dussehre kuch naya karte hai ||
    ©the_sparkle_soul