• sahihi_ya_mfalme 21w

    YA DUNIA

    Shehe Mstaarabu
    wajiita mmiliki, kwa kuwa we mtahiki
    wasema mwenye haki, kwa kuwa wajua mashtahiki
    wasema umetamalaki, waenda kote mashariki
    Ubaya uzuri havijitangazi, yote ya dunia.

    Sahihi ya Mfalme
    Ubeti huu nautunga, hino ni uhalisiya
    Sikupingi nakuunga, 'mepotea duniya
    Sijui yupi 'taichonga, kil'o hiki subiriya
    Maisha yaboronga, yote haya duniya

    Shehe Mstaarabu
    Makini tajazingatia, muhimu uhalisia
    Walo chini tawatia, hadhi kishtahikia
    Magharibi tatembelea, kote tawashikilia
    Kweli maishaa yaboronga, yote ya dunia

    Sahihi ya Mfalme
    Haijabadili muundo, ule ule tul'ostahili
    Mepoteza mwenendo, sijui ipi mithili
    Watu hayawani vitendo, utu hawastahimili
    Maisha yaboronga, yote haya duniya

    Shehe Mstaarabu
    Madhabauni wapanda, mishikiki wasifia
    Mashizi walea, fundo lisilofikia
    Hapa kule watakabalia , 'sahau lebekia
    Maisha yaboronga, yachoma dunia

    Sahihi ya Mfalme
    Nakubali un'osema hino, yalegeza tukisonga
    Tumebaki kulilia wino, tun'oabudu vipanga
    Tumeisha nguvu viuno, awali tuliopanga
    Maisha yaboronga, yote haya duniya

    Shehe Mstaarabu
    Mienendo mekuwa, kama kunguru
    Wakwao hawasemeki, nguvu 'metumalizia
    Nadhani shubiri, nyongo katiwa maliwito
    Kweli maisha meborongwa, haya yaani dunia

    Sahihi ya Mfalme
    Sahihi mimi natiwa, hapa mwisho nakomea
    Yaniliza kifikiriwa, ya dunia al'otutengea
    Nisije hukumiwa, machafu mtu nasemea
    Ya Mfalme Sahihi nimetiwa, fulisitopu hapa natia.

    Shehe Mstaarabu
    Tamati 'mefika, Shehe langu jina
    Kibwagizo tawacha, kesho giza
    vyema fikiri kwanza, wema si mwema
    Shehe Mstarabu, mbele tasonga leo natarajia


    Na: Kadima Emmanuel (Sahihi ya Mfalme)

    Lennox Caleb (Shehe Mstaarabu)