• prncs_chashmish 5w

    Aaj meine uski aankhon mei dekha,
    Bohot waqt baad khudko tawajju dete dekha!

    Un aankhon mei sirf khwaab poore krne ka nahi, unhe jeene ka junoon hai!

    Inme ghuroor-ae-imaan hai,
    Aur rubaab-ae-ishq bhi!

    Ye ghustaaq-ae-naadaan hai,
    Aur chahath-ae-jahan bhi!

    In aankhon mei muskurahat-ae-sukoon hai,
    Kareeb se dekhoge toh ek dard-ae-daastan bhi hai!

    Halath-ae-waqth ne inki nazar kamzor krdi,
    Magar himmat-ae-nazariya ne inka hausla banaye rakha!

    Har subah inki dua rehti hai ki aaj behtar ho,
    Aur har shaam inka sabr hai ki kal behtareen ho!

    Inhone hajat-ae-sajda kiya hai,
    Aur intezar-ae-quboliyath bhi!

    Yeh gawah-ae-ashkh hain,
    Aur Bakhsheesh-ae-aafiyath bhi!

    Kabhi in galiyon mei nafrath na dhoondna,
    Yahan eitr-ae-mohabbat hai!

    Yeh rooh-ae-tahammul hai,
    Iska khilaaf-ae-tahaffuz na karo!

    Inpe na hadon ka rok hai, Na kisi ka khauf!
    Yeh bas dil-ae-hasrath pehchanti Hain!

    Inpe koi hukm-ae-pabandi nahi,
    Yeh tameel-ae-aazadi hain!

    Yeh taras-ae-kamzor hai,
    Aur tadap-ae-khuddari bhi!

    Yeh wafa-ae-khudayi hain,
    Aur nafarman-ae-zillat bhi!

    Inki gehraiyon mei kabhi doob na jana,
    Inki palkon ki panah mei kabhi fanah na hojana!

    Inme kai raaz dafan hain,
    Unhe dhoondte dhoondte khud faut na hojana!

    Bohot waqt baad meine apni aankhon mei jhaka....

    Khudko khudke nazariye se dekha,
    Khudko waisa paya jaisa apna nazariya hai!

    Chod diya doosron se barabari krna,
    Hum khudke nazar mei behtareen banrahe hain!

    Sabko bhulake khud pe tawajju derahe Hain,
    Sab kuch gava ke khudse nayi aaghaas karahe hain!

    Bohot waqt baad khudse mile hain,
    Bohot waqt baad aankhen khuli hain!

    Bohot waqt baad manzil nazar aayi hai,
    Bohot waqt baad nayi ummeed jagi hai!
    ©����������_������������������
    .
    .
    #love #depression #anxiety #poetry #mentalhealth #life #sadness #feelings #brokenheart #hope #solitude
    #writersofinstagram #writingcommunity #poetrycommunity #writerscommunity #poetsofinstagram #writersofig #writerslife #quoteoftheday #lovequotes #bookstagram
    #mirakee #writersnetwork #thechashmishdiaries #stories #quoteoftheday #writereofmerakee #wordporn #bhfyp

    Read More

    Aankhein

    ©prncs_chashmish