• gideonrymbai 4w

    "Ka Jingduwai"

    Ngi ki briew ngi im ka Jingim ba dap tang da ki jingeh
    Bunsien ngi jynjar ban ioh jingsuk
    Ki jingpang jingshtitom ki ban ia ka Jingim jong ngi;
    Bad bunsien ngi beh wut wut sha ki liang pynkhiah ba ka pyrthei ka ai ia ngi
    Ngi klet ia U Blei ngi klet ia ka bor ka Jingduwai
    Ka Jingduwai kadei ka jingsyllok jong ngi bad U Blei
    Bad ka long ka jubab ia baroh ki jingeh jong ngi;
    Dei tang lada ngi Shem jingeh ngi kynmmaw ia ka Jingduwai
    Lada ka jingpang jingshitom ka la jur bad ym lah pyn koit shuh
    Ki briew ki ong sa tang ka Jingduwai
    Ngim dei ban long kumta kaba nyngkong kaba ngi dei ban leh haba ngi Shem jingeh ngi dei ban phai sha U Blei lynba ka Jingduwai
    Namar Ka Jingduwai ka long ka jingsyllok jong ngi bad U Blei
    Bad ngi dei ban kynmmaw ruh ba ka jingpynkoit ba pura ia ka jingpang jong ngi dei na U Blei.

    Written by-GIDEON RYMBAI