• lanzhan 5w

    Ang oras ay dumadaan ngunit di tumitigil
    Ang agos ng batis ay nagmamadali patungo sa dagat
    Ang mga ibon ay matayog na lumilipad sa liwanag ng langit
    Ang mga dahon ay sumasabay sa kilos ng hangin
    Ang mga bulaklak ay mapang-akit sa sinag ng buwan
    Ang mga alon ay banayad na humahalik sa dalampasigan
    Ang mga tala ay kumikislap na tila mga alitaptap

    Katawang napapagal
    Paano ka hihimlay ng may katahimikan
    Ang puso mong nabibigatan
    Maaari bang bigyan mo ng awa
    Ang mga mata mong pagod na sa pagluha
    Ang isip mo na di tumatanggap ng katwiran
    Di ba't kay pait sa labi ang mga hinanakit na sana noon pa nakalaya
    Ang iyong puso na tila pinipiga ng ilang libong beses sayong pagtangis


    Sila na iyong mga hinanakit
    Humahalaklak sayong pagluha
    Sila na iyong sinumpa
    Ay malayang sumasabay sa agos ng buhay
    Ngunit ikaw na kinulong ang sarili sa mundo ng puno ng hinanakit
    Ayaw ihakbang ang mga paa sa liwanag ng pagpaparaya
    Pusong palalo kailan ka matututo...
    ©lanzhan