• vivek_gautam 5w

    Kaun ho tum

    Ab kaise bataun kaun ho tum
    Kaise bataun
    Kaise bataun mai tumhe
    Ki tum sunheri dhoop ho
    Raat ko chamakne wale chaand ka roop ho
    Ugte hue sooraj ki lalima ho tum
    Toh doobte hue sooraj ki lubhavni kirne ho tum
    Meri dhadkanon ka saaz tum
    Mere rakt ka sanchaar tum
    Tere naam ki kashti jidhar
    Meri rooh hai basti udhar
    Dariya ho tum sagar ho tum
    Mujhe garv ho jispar vo ho tum
    Mera Kavya tum mera lekh tum
    Meri nazm tum meri soch tum
    Sangeet ke saat sur ho tum
    Mere taasuvuron ka raag ho tum
    Khoobsoorti bhi tum hijaab bhi tum
    Shrishti bhi tum vrishti bhi tum
    Shakti Swaroop tum prem rup tum
    Saundarya jiski pooja karta aysi pratima ho tum
    Kitabon ke panno ke beech rakha vo gulab ka phool ho tum
    Jiski khusboo aj bhi poore mehkame ko mehka deti hai
    Parmatma ki moorat ho tum
    Meri mannat ho tum meri ibadat ho tum
    Mera geet bhi tum mera Manmeet bhi tum
    Tere keshon se jaise nikalti mandakini aur ganga
    Teri ankhein jaise swarg ka duar hain
    Tera chehra jaise ek kitaab hai
    Badhi khoobsurat jiski padhai hai
    Mujhe prerit karti ho tum
    Apni mehnat nishtha lagan se achambhit sabko karti ho tum
    Tum jo chaho aur paa na sako aysa ho kabhi sakta nahi
    Tum insaan hi ho ya ho khuda ka hi roop
    Ye pehchan humse ho na saki
    Bhala meri kalam mai taqat kahan
    Jo bata sake
    kaun ho tum?