• nitesh_agarwal2 6w

    Sainiko ki deshbhakti se lekar logo ke deshdroh tak,

    Insaan ki Insaaniyat se lekar unki haiwaniyat tak,

    Gareebo ke jindadilli se lekar ameero ki khudgarzi tak,

    Maine Apne Desh ko aage badhte dekha hai.

    Maine yaha insaano ko mitti ki izzat karte dekha hai,

    Maine Desh ko Chand se mangal pe pahuchte dekha hai,

    Muslimo ko diwali pe subhkamnaye dete dekha hai toh Wahi hinduyo ko Eid Mubarak kehte Suna hai,

    Maine yaha insaan ko Insaan ke liye jeete huye dekha hai,

    Khet mein fasal se lekar tirrange ka lehrane tak,

    Sarhad pe khaki wardi se lekar Kisan ke nange badan tak,

    Maine logo ko Desh ke liye Jaan dete dekha hai,

    Maine Apne Desh ko aage badhte dekha hai.

    Maine yaha apno ko paraya aur paraye ko Apne bante dekha hai

    Chand rupyo ke liye Insaan ko bikte v dekha hai,

    Jinhone azadi dilayi logo ko unke Daman pe kichad ucchalte dekha hai,

    Maine naye yug ke naye Bharat ko dekha hai.

    Maine Apne Desh ko aage badhte dekha hai,

    Kai bhasaye aur dharm hote hue bhi saath tyohaar manate dekha h,

    Insaan ko Insaan ke liye marte aur jeete dekha hai,

    Maine Apne desh se Mohabbat karke dekha hai..

    Haan Maine Apne Desh ko aage badhte dekha hai
    ©nitesh_agarwal