• siah_the_story_teller 9w

    Haan main Hindustan hoon

    Bohat aage badh gya hoon main,
    Is duniya ki daud mein..!!
    Par reh gya peeche kahin,
    apno Ki bheed mein..!!

    Haan Hindustan hoon..!!
    Haan main bhi Hindustan hoon..!!

    Mujhme rehne waale
    Tarraki kar rahe hain,
    poore Jahaan mein..!!

    Par reh nahi paate,
    yahan
    apne hi Hindustan mein..!!

    Haan main Hindustan hoon,
    Main bhi wahi Hindustan hoon..!!

    Duniya jaanti hai mujhe,
    mere naam se..!!
    Jaana jaata hoon,
    har ek tyohaar se..!!

    Par mujhme rehne wale,
    Baant te hai Mujhe,
    tukdon ke hisaab se...!!
    Kahin toh toot gya hoon
    in jaatiyon ki takraar se..!!

    Haan main Hindustan hoon,
    main bhi yahi Hindustan hoon..!!

    Mujhme milte hai,
    har kisam ke mazhab saath me..!!
    puja jaata hai Aurat ko,
    Deviyon ke naam pe..!!

    Par Kuch log mujhe baant rahe hai
    dharmo ke naam se..!!
    Meri zameen ko ganda kr Diya
    mere hi logon ne,
    in deviyon pe istehsal se..!!

    Khushkismat hoon, ki main hi Hindustan hoon..!!
    Dukh ye hai Ki main, Wo Hindustan hoon..!!

    Β©siah_the_story_teller