• srayosi 23w

    Waada kar k nikla tha ghar se
    "Maa, mai jald laut kar aaunga.
    Chitthiya likhna tum mujhko,
    Mai jawab me apni salamati bhijwaunga."

    Vo larki jo usse pyaar karti thi,
    Roo rhi thi gali k ek kone me,
    Uska haath thaam kar bola usne,
    "Vatan ki pukaar hai jaana to parega,
    Par wada raha tumse sarhad par jaise hi tiranga lehraunga, jald wapas aakar tumhari maang mai sajaunga.
    Chitthiyo me apna pyaar muje bijhwana tum,
    Mai jawab me tumko sarhad ki kahaniya likh bhijwaunga,"

    Chal para vo naujawan, sab kasme waade piche chorr k,
    Apno k liye chorr gaya vo, lamhe intezaar k.
    Maa uski chaukhat par baithe din raat raah dekha karti thi,
    Bete ki ek jhalak dekhne ko vo har pal tarsa karti thi.
    Vo larki apne kamre me uske naam k diye jalati thi,
    Uske khushamdeed k liye sapne vo sajati thi.

    Firr ek dinn aayi khabar, vo ghar laut kar aa raha hai.
    Intezaar ka intekaal, aaj hone jaa raha hai.
    Waada lautne ka kiya tha, usko vo nibha raha hai.
    Shahadat ki kafan me lipatkar, vo ghar ko wapas aa raha hai.
    Tirange k chadar me sooya, vo kuch waade adhure chor kar jaa raha hai.

    Maa k dil ko rulaya to hai usne, par garv se sirr uncha kar gaya.
    Pyaar ki maang saja na saka, par uske dil ko fakr se bhar gaya.

    Kasme, waade, muraade aisi naa jaane kitni yu hi adhuri reh jaati hai.
    Kitni maa e yu beto ka bas raah dekhti reh jaati hai.
    Kitne aise pyaar sirf sapne hi saja paate hai.
    Sarhado par kitne hi aise jaan, khushi khushi kurbaan ho jaate hai.

    ©srayosi