raees_munawar

a poet by hobby

Grid View
List View
Reposts
  • raees_munawar 6w

    Shehr-e-dil kii har aik gali mai
    Meri iss adhuri sii zindagi mai
    Mere gham mai meri hansi mai
    Aur meri har aikk kamii mai
    Tujh ko he toh jaan pata huu
    Muqamal tujse he ho jata hu

    Zindagi ka haseen khwab tum ho
    Mera aaftab mera mehtab tum ho
    Har pahr khayalon mai tum ho
    Dil ke saare sawalon mai tum ho
    Sare naqsh-o-nishano mai tum ho
    Mere sbhi armanon mai tum ho

    Tum ho naqma-e-subh-o-saaz ke jaise
    Naseem-e-shaam ki madhm awaaz ke jaise
    Garm dophar ki mast barsaat ke jaise
    Sardh raaton mai grmi ke ehsaas ke jaise

    Tum rhooto toh rhoot jaye sari duniya
    Tum he toh hoo akhir humari duniya
    Darmiyan phr apne ye halaat kyu hoo
    Talkh lehjay mai ek duje se baat kyu hoo
    Chodo ye sab bekaar ki baatein hai
    Aisi baatien kabhi kabhi hojati hai
    ©raees_munawar

  • raees_munawar 14w

    Fasana-e-dard-e-dil unko kaise sunaye.
    Shab-e-hijr mai hum kahin mar na jaye!

    Khuda ke liye ae dil sambhal jaa zra tu.
    Khud unko pukare khudi dhadkan bhadaye!

    Samjte ho kya tum keh hum samjte nhi kya.
    Tumhari adayien aur ye tumhare ishaare!

    Sitamghr-o-zaalim hai sanam itne keh.
    Khud zulm-o-sitam kare, mujrim hume btaaye!

    Ae saqi-e-mehkhana mein kurbaan tere.
    Bss nazroon se apni tu do ghoont pilade!

    Andhere andhere in zulfo ke saayo mai.
    Hum darr hai keh hum kahin khoo na jaye!

    Tu shamma-e-sooza mein parwana-e-ishq.
    Tu bahoon mein lelay aur mujko jalaadey!

    Ae tarang-e-namabhr kuch humpe taras khaa.
    Tu paigam charaghr-e-bimar-dil ko jldi sunade!

    Haseenan-e-chaman, mehjabeen naaznein
    Tumhe jaan-e-jaana aur kis naam se pukare?

    Thay tum toh Raees bhde muhazzib-o-sayaane.
    Nazar aarhe ho kahey aaj dewaane dewaane!
    ©raees_munawar

  • raees_munawar 15w

    PARTS OF THE BODY

    Khird gunhagar hai nazar behijab bhot
    Zehn-o-dil apna hai Ya Rab iztirab bhot
    Sadah-e-mouzin yey kaha sunte hai
    Kaan saaz-o-sargam pe machalte hai
    Takbir-e-tahrima se kuch sarokar nahi
    Jabeen meri kbhi sajda-guzaar nahi
    Manzar-e-haramain se rahi andhi yai
    Nazr-e-bdh lagi shehwat pasandi mai
    Naakh yuh rutbaa-o-myaar parkhti hai
    Khushbu ameero ki gareebo ki bhdbu hoti hai
    Fakhra libaas pe lub tamjeed krte hai
    Farsuda ho libaas toh skht tankeed krte hai
    Lagati rehti hai har ek par ilzam kahi
    Zabaan meri aksar he bdh-zabaan rahi
    Haat jitne apne qawi-o-istiwar bnte gyay
    Utne he riyakar-o-makkar bnte gyay
    Bazaar-e-baatil ke hamesha muqeem rahe
    Kab kadam sirat-al-mustaqeem pe chale
    Kuch halaal-o-haraam ka farq smjhte nhi
    Hum woh shaheen hai jo kbhi udte nhi
    Mujh gunhagar ko qadurt-e-khudi se aagha kar
    Ruh-ul-quds, qalb-e-mustafai se Ya Rab aashna kar
    ©raees_munawar

  • raees_munawar 15w

    Dil-e-scaler tujhe hua kya hai?
    Akhir iss free-fall ki wajha kya hai?
    Tu chala hai jis black-hole ki aur
    Hai kuch andaza uski gravity kya hai?
    Tere zulfe kar rahi undamped oscillations
    Hum kar rahe calculate time-period kya hai?
    Teri nazroon ne karwaya yey emf develop
    Mere ishq-e-flux ki aur wajha kya hai!
    Sair-e-universe karwaye photon pe bitha ke
    Mere Mehboob tera rest mass kya hai?
    Meri jaan ishq hai radioactivity ki tarah
    Kambhakt hamesha unpredictable raha hai!
    Tere sang Zindagi ho chuki khayalo mai bsr
    Beta proton, beti ka electron naam rkha hai!
    Ho gyay behaal jab se bnd hui communication
    Mere qabutr bhi na jaane tera adress kya hai?
    Kar rahe thay kal mujse yey behass Newton
    Unse itni attraction as per physics nhi ho skta hai
    Mathematically prove kar dia humne keh unki
    Action ka equal and opposite reaction hua hai!
    ©raees_munawar

  • raees_munawar 16w

    The River

    Behta jaa bss tu behta jaa
    Nagma apna tu kehta jaa
    Apni reh tu aap he banaa
    Khud apna rehbar bnta jaa

    Safar bhot daraaz tera
    Katra katra mumtaaz tera
    Pech-o-kham andaaz tera
    Uthta jhukta uthta jaa

    Banjrr zameen sehraab kare
    Veerani basti aabad kare
    Daman-e-koh aab-tab kare
    Dastaan-e-hayaat likhta jaa

    Tera junoon he teri rawani
    Mouj-e-tundh teri nishani
    Manzil-e-maqsood behrani
    Dillo mein josh tu bharta jaa
    ©raees_munawar

  • raees_munawar 16w

    SUSTII(BOREDOM)

    Na dikhe hain koi bhi hume raasta
    Nhi kisi se raha jaise kuch vaasta

    Na suna kare kuch na kaha kare
    Na pdha kare aur na he likha kare
    Ye hum kare keh hum naa kare
    Koi kahe keh akhir hum kya kare?

    Jo ruke kahin pe phr chale nhi
    Jo chale kabhi toh hum ruke nhi
    Jo hansaye toh hum hansay nhi
    Jo rulaye koi toh bhi rooye nhi

    Neend aati nhi hain laitey huay
    Aaram aata nhi hai baithe huay
    Girte hai hum kabhi uthte huay
    Uthte bhi hai toh girte girte huay

    Uthe zehn mai hazaron khayal hai
    Har khayal se ubre lakhon sawal hai
    Shab-e-hijr na he roz-e-visaal hain
    Jeena apna hua bhda muhaal hai

    Nhi smjh aata ye hai akhir kya maajra
    Hai Khuda ka he ab toh hume aasra
    ©raees_munawar

  • raees_munawar 17w

    Kyukar be-simt hain ae dil mujhe bta?
    Kyukar ishq mai tu hain youn girr pdha?

    Hontho pe tabassum liye andhr se sehmay huay
    Chal pdhay yaar se milne hum kuch istarah!

    Yaa barq si gire jo chale waa baad e sabha
    Dhadke hain dil yaha jab lehraye zulf waa!

    Sahil bhi gya hum bhi gye pdte he ek nazar
    Nazrein uthi unki keh uthi koi mouj-e-blaa?

    Shams-o-qamar-o-najm-o-benooriyan
    Aaye karwaye aapko hum sair-e-kehkashan!

    Kareye aqal ki jo jung ho qalb se iski
    Fail-e-qalb hai bs krna lahu raggu mai rawa!

    Shab-o-roz ki khbr na marg-o-zeist ki fikr
    Is rabt se toh behtar tha woh murg-e-natawaan!

    Taghaful-e-yaar haya, jaza-e-wafa jafa
    Ishq kaha ye toh Newton ka teesra usool hua!

    Khud se yahi shikayat hai ab tlk toh hume
    Har baar kaam chood aate hai hum adhoora!

    Izzat kare jo aapki uski izzat kare lazimann
    Jo na kare unse mile toh thoda lijiye muskura!

    Kitne he daur aagye kitne chale gyay
    Mat soochiye zyada kis daur mai kya hua!

    Jo tum jawab de rhay ho har har sawaal ka
    Hum puche ek bhi toh bhaag jao gai mian!

    Jaun-o-ghalib-o-meer-o-Raees koi bhi ho
    Kab kisi ko puch ke marz-e-ishq lga!

    Pdhiye mat Raees ko jo nhi hain jaanta
    ilm-e-Riyazi-o-tabiyaat-o-hayatiyat-o-kemiya!
    ©raees_munawar

  • raees_munawar 17w

    Khwabon mein mere jab aati hoo!
    Khwabon mein bhi hosh udati hoo!

    Tum itni Khoobsurat kaisa hoo?
    Kis chakki ka aata khaati hoo?

    Baad-e-sabha mehkti hai kyu itni
    Kya tum zulfe apni lehrati hoo?

    Tishna-lub apna hai jaane kab se
    Inhe kab do ghoont jam pelati hoo?

    Bahoon mai tumhe lena hai hume
    Par bahoon ko tum mat jalati hoo?

    Ye sochta hoon, tum sochte waqt
    Kya apne lambe nakhun chabati hoo?

    Ishq o muhabbat ke qissay tum
    Sunti ho, kyu kabhi na sunati hoo?

    Chaati hai jab kabhi mast ghataa
    Hume lgta hai tum soo jati hoo!

    Rakh ke cheez koi kahi pe kabhi
    Tum bhi kya ussay bhool jati hoo?

    Ye dost tumhare sab naam ke hain
    Kya tum yey baat jaanti hoo?

    Hum saath rahinge tere ta-hayaat
    Tum inke liye kyu hume satati hoo?

    Allah! Seedhe seedhe naam leti ho mera
    Thoda sa bhi tum nhi sharmati hoo?

    Meri gazal mein tum apni baat
    Kya pdhte pdhte muskurati hoo???

    Abhi toh shaadi bhi nhi hui humari
    Abhi se he saari raat jhagati hoo!
    ©raees_munawar

  • raees_munawar 19w

    Gham-e-dil aur bepanah chahte hain
    Zulm-o-sitam ki intehaa chahte hain

    Sooch mai pdh gaye hain hum toh
    Ek tumhe chahte hai aur kya chahte hain?

    Sukoon talb hain tabiyat yuh toh apni
    Phir bhi be-sukoon rehna chahte hain

    Khwahish-e-shaam-e-hijr wasl main
    Hijr main wasl ki subah chahte hai

    Aap humse rhoot-tai nhi hai kabhi bhi
    Isliye aapse hum rhootna chahte hain

    Lejiye ye raha dil humara vaste aap ke
    Wasai aap iska kya karna chahte hain???

    Khata-e-ishq saa gunah tumse karke
    Ba-mushakat-qaid-ta-umr jaisi saza chahte hain

    Meh-kada-e-deed-e-jaana se jam bhr ke
    Unke he lub se phir peena chahte hain

    Sir apna pehlu mai tumhare rakh kar
    Zulf se tumhari khelna chahte hain

    Puch rahe thay yaar humse kal ye sawaal
    Aap janab Jaun Elia banna chahte hain???

    Woh jo kehte hai soo chahte kaha hai Raees
    Aur joo chahte hai woh kehna kaha chahte hain


    ©raees_munawar

  • raees_munawar 20w

    Be-murawwati tumhari aadat hain
    Ya tumhe mujse kuch adawat hain

    Maang rahe hai wafadari ka saboot
    Chala rahe woh kya koi adalat hain

    Kaho saaf saaf ab aagay ka tum
    Humko itni bhi kaha fursat hain

    Laag laga ke loo ab wohi humse
    Puchte hain kaho kaisi tabiyat hain

    Thoda ghoor karo aur socho tum
    Kitni dilkash hamari hasrat hain

    Ibtada-e-guftagu unse kbhi na hui
    Naaz hai unka ye keh shrmahat hai

    Kya kaha, daghabaaz hum, nhi nhi
    Haa mgr besharm toh nihayat hain

    Gila shikwa khair apni jagah, sahii ai
    Magr tumse behadh muhabbat hain

    Hum-sukhan hai hum aajkal jisse
    Woh toh khair bala ki Khubsurat hai

    Masti-e-wasl hai na he sakhti-e-hijr
    Kambhakt ye kaise apni halat hain

    Moun mai aaye jo bhi bak dete hoo
    Raees tumse bas yahi shikayt hain
    ©raees_munawar