sayim_m

Kashmiri ���� 29 Aug 17

Grid View
List View
Reposts
  • sayim_m 4d

    Khawabon ki lu jalate rahe diar tak
    Neend ko raat jagate rahe diar tak

    Bistar pe kante the bichaye hoye
    Hum sakoon se leatey rahe diar tak

    Dor e aziyat ki tamam aziyat jeli hain
    Hisab gunahon ka dete rahe diar tak

    Dost, mehfilein ,raunaqein chod kar
    Khamoshi se guftagu karte rahe diar tak

    Zehen thak jaye toh mushkil hai zindagi
    Log jaage hum sotey rahe diar tak

    Chand, ghurur parwar bilkul nahi aya
    Chhat pe use bhulate rahe diar tak

    Us ana parst ladki ne mudh kar nahi dekha
    Rasta ruke khada dekhte rahe diar tak

    Laot ayega, jab meri yaad usse satayegi
    Be-tabeer khawab aate rahe diar tak

    Manzar bada purkhatar manzar, dhalta hi nahi
    Jate gaye aur jate rahe diar tak

    Apne hisse ki ganwa di bohat pehle sayim
    Udhaar ki zindagi jeete rahe diar tak

    ©sayim_m

  • sayim_m 1w

    Unhein gaye hoye zamana howa
    Hume soye hoye zamana howa

    Aaine main dekha nahi jata
    Khudse mile hoye zamana howa

    Aj bhi yaad ate hain woh aksar
    Jise bhule hoye zamana howa

    Konse khawab aaye un ankhon ko
    Jinko jaage hoye zamana howa

    Seene main jalan kam nahi hoti
    Gale lagaye hoye zamana howa

    Lailaj qarar diya gaya hon tabibon se
    Masiha dekhe hoye zamana howa

    Utar gayi pattri se zindagi ki rail
    Hath chootey hoye zamana howa

    Nazarein lagi hoyi hai asmaan pe
    Chand dekhe hoye zamana howa

    Yeh tareeqi kyon nahi jati sayim
    Chirag jalaye hoye zamana howa

    ©sayim_m

  • sayim_m 1w

    .

  • sayim_m 1w

    Duur tujhse ja raha hon ehtiyat ke sath
    Bada zulm kar raha hon hayat ke sath

    Yeh wazife , taweez sab teri khatir hain
    Baand rakha hai tera naam ayaat ke sath

    Kaha tha na, ana mohabbat ko maar deti hai
    Tu'ne etifaq mat kiya meri baat ke sath

    Paspa hon ke quot e safar nahi rahi
    Thak gaya, nibah na howa halaat ke sath

    Yun khamosh kardiya tere firaaq ne mujhko
    Sans bhi leta hon toh karamaat ke sath

    Tere baad kon jalata is ghar ka chirag
    Chhedi hoyi hai jung puri kaiynaat ke sath

    Tum; puchte ho halat e abtari ki wajah
    Rom rom mar gaya mera khatraat ke sath

    Yaqeenan tera dil bhi khoon roya hoga jate waqt
    Ulat palat kiya, donu ke jazbaat ke sath

    Darr lagta hai apne kamre ki dewaron se
    Kitne waswase lipatey hote hain raat ke sath

    Alvida kehkar do qadm chalna palatna phir chale jana
    Namumkin hai sayim jeena in khayalaat ke sath

    ©sayim_m

  • sayim_m 2w

    Baitha hon chhupa ke laash main apni
    Latki hoyi hai jan kaash main apni

    Unko hai shoq mujh se milne ka
    Main bhi nikla hon talash main apni

    Har bazi pe thokar lagi kahin hathon se
    Zindagi bikhari padi hai taash main apni

    Kitna shoqeen tha main, kitne khawab the
    Barbad hogayi har aash aash main apni

    Namukamal reh gayi ghazal zindagi ki
    Koi kami thi jaise taraash main apni

    Duniya wale zinda nahi rehne denge
    Gar kar'don haqeeqat faash main apni

    Zakhmo ki tapish bala dikhaye kisko sayim
    Hazar kitabein niklegi aik kharash main apni

    ©sayim_m

  • sayim_m 2w

    Aada aada lagta hon
    Bhoola wada lagta hon

    Tujhse bichad kar main
    Khudse juda lagta hon

    Khush hon lekin gham main
    Thoda zyada lagta hon

    Tera sab hai mujood magar
    Main bichada lagta hon

    Barish ne utaar diya sab
    Kagazh sada lagta hon

    Gham paar gaye meri tan se
    Patla parda lagta hon

    Karna reh gaya mumkin jo
    Hara irada lagta hon

    Andar padi hai lash meri
    Jee'ta murda lagta hon

    Kon kare mujh ko bardasht
    Ulta seeda lagta hon

    Koi pur na kar sakha
    Khali uhda lagta hon

    Jiska koi banda nahi
    Bechara khuda lagta hon

    ©sayim_m

  • sayim_m 2w

    Khaak mere sare khawab kar ke
    Chala gaya duur azaab kar ke

    Neend ko apne ghar bhula kar
    Mujhe jagaya rakha mehtaab kar ke

    Shayad kisi din amanat waps le apni
    Gham rakhe hain hisab kar ke

    Sari kitaab ka unwan tu hi hai
    Teri adayein sajayi baab kar ke

    Mohabbat kab ki mar gayi mere dil main!
    Bichad gaya akhiri jawab kar ke

    Adaon se behkaya mujhe awara kar diya
    Khud mohtaram howa sawab kar ke

    Naseehatein de raha ghar laotne ki
    Pehle khush tha kharab kar ke

    Halat kis tarah sambhal payegi ab sayim
    Chehra chupa liya naqab kar ke

    ©sayim_m

  • sayim_m 3w

    Yeh bhi ab qisa hona hai
    Tu jaisa kahe waisa hona hai

    Mujhe paheliyan samjh nahi ati
    Seeda bolo kis jaisa hona hai?

    Yani tumhein mila howa hai koi
    Phir mujhe kyon us'sa hona hai

    Main choddonga tujhe uske liye
    Zaror aik din aisa hona hai

    Philhal toh lamhon ki judai hai
    Badkar isse lamba arsa hona hai

    Woh nahi le pata rukhsat khud
    Mujhe hi shayad gussa hona hai

    Mohabbat ko gunah samjhta hai
    Touba kar ke parsa hona hai

    Main us main sama gaya hon pura
    Aur us ko mujhsa hona hai

    ©sayim_m

  • sayim_m 3w

    Main jhuta, batein jali hai
    Piit bari daman khali hain

    Kanton ka khair gila ho kisko
    Dushman hi jahan, mali hain

    Raat tanha uske sath guzari par
    Honton pe mujood, lali hain

    Ziyan hogaya sab khoon jalana
    Raat abhi bhi, kali hain

    Maine hara woh jeet gaya aur
    Dekho maine mari, tali hain

    Khayalon ka qatl kar diya gaya hai
    Bas yaad-e-janan, pali hain

    Yeh sardi nahi asar karti mujhpe
    Upar mohabbat ki kambal, dali hai

    Kis ada ko nazar andaz kare sayim
    Qatil jhumte uske, bali hain

    ©sayim_m

  • sayim_m 4w

    Mohabbat kitni sasti hogayi hai
    Bewafaon ki hasti hogayi hai

    Log karne lage hain daga jaise
    Juwariyun ki basti hogayi hai

    Ghazal ghazal kahan rahi
    Mohabbat ki dasti hogayi hai

    Har baat pe tera zikr karta hon
    Tere naam ki masti hogayi hai

    Tu bhi sayim mere pas nahi
    Kaisi yeh pasti hogayi hai

    ©sayim_m