sayim_m

Kashmiri �� 29 Aug 17

Grid View
List View
Reposts
  • sayim_m 3d

    Eid

    Tujh se bichadne ka ehsas hai
    Eid tumhare bin bohat udas hai

    Bala kis baat ki khushi mana'on
    Teri judai ke siwa kya pas hai?

    Aur eid par bhi roya gaya sayim
    Is eid par bhi yehi khas hai

    ©sayim_m

  • sayim_m 5d

    Saqi

    Kis safar se guzri thi meri taqdeer saqi
    Kuch nahi dar dast khali hai lakeer saqi

    Ishq ne sikhaya adab e furqat mujhe
    Pada raha dhar e yaar pe fakeer saqi

    Main kaise bad dua karta alvida keh kar
    Abhi zinda hon main mera zameer saqi

    Sach hai mere pas kuch nahi hijr ke siwa
    Badi daulat hai hum thehre ameer saqi

    Sunsan kamra jan le sakhta tha meri par
    Bacha leti hai teri latakti tasveer saqi

    Log kehte hain aik dosre se mujhe dekh kar
    Dekho us shakhs ki chodi hoyi tameer saqi

    Kaisi rafaqat hai ya Khuda us shakhs ki
    Dil uska tha isi pe khenchi tir saqi

    ©sayim_m

  • sayim_m 1w

    Sarey sheher main dunwa dunwa hai
    Han mera ghar bhi jala hai

    Kis tarah eid ki khushi manaye
    Yahan sab khaak main mila hai

    Yaqeenan kitabein bhi thi shamil
    Ab mat kehna hathiyar uthaya hai

    Nikal gaya mout ka khauf ragon se
    Zalim ne is qadr sataya hai

    ©sayim_m

  • sayim_m 1w

    Jane kis ki khatir hum tanha rahe
    Muskan pehne, ankhein nam tanha rahe

    Muqabla bada mushkil tha mere dosta
    Dard aik sath, marham tanha rahe

    Khushiyan bant di gareeb logon main
    Ameer e dil, mehv e gham tanha rahe

    Bheed bhad ilaqa hai mere dil ka
    Hum magar har dam tanha rahe

    Gham tableeg kar raha sar e mimbar
    Mere ghulam hamesha, sarkham tanha rahe

    Mohabbat, mohabbat yehi toh hai
    Jab rahe bas, sanam tanha rahe

    ©sayim_m

  • sayim_m 3w

    Mukhtasar sa qisa howa
    Keh dala usne us din
    Mujhe tumse nahi mohabbat
    Jo abtak ki thi bas
    Aik aqs tha ,aik jali qisa tha
    Aik bahana, aik madawa tha
    Mere ghamo ka
    Kuch nahi tha
    Kuch bhi nahi tha
    Thi toh bas aik koshish bhulne ki
    Mere pehli mohabbat main hoyi haar ki

    ©sayim_m

  • sayim_m 3w

    Mere halaat sudharne tak
    Yeh aziyat tamam hone tak
    Zindagi se mout ke darmiyan
    Is aik qadm lene tak
    Tum yehi ,mere pas rehna
    Kya khabar kab zindagi
    Mere hath se phisal jaye
    Kab main akhiri hichki lelon
    Agar na paon tumko tab yahan
    Yeh akhir hichki meri raigan jayegi
    Mera intezar, tera hijr aur humari mohabbat
    Sab sharmsar ho jayege

    ©sayim_m

  • sayim_m 4w

    Sath tere raha magar juda raha
    Tu bhi mere jaise khuda raha

    Itne qareeb the chhu sakhte the tujhe
    Lekin qurbaton main bhi fasla raha

    Judai donu ke naseeb main barabar mili
    Ishq howa tha woh adha raha

    Taluq hijr ka nibaya hum donu ne
    Wasl umar bhar humse khafa raha

    Sab log mere bistar se lipat kar roye
    Tu tha jo darwaze pe khada raha

    Yaaron ki aik basti hai mere andar
    Par main jab raha tanha raha

    Zahir hai aag jalayegi ghar mera
    Main pagal isko deta hawa raha

    Usko laot ke ana hi nahi tha sayim
    Jhooti tamanna lekar main pada raha

    ©sayim_m

  • sayim_m 4w

    Mohabbat se dil bhar ayega toh kya!
    Tu mujhse khaufa ho jayega toh kya

    Humare naseeb hi juda juda hai dost
    Rooh se rooh bhi milayega toh kya

    Khaak nashin ka koi thikana nahi hota
    Tu dilse mujhe utarega toh kya

    Sara sheher apna kamra jaisa lagta hai
    Mera koi ghar jalayega toh kya

    Barsun se khoon hi toh deta aya hon
    Yeh shakhs thode zakhm dega toh kya

    Khawab jane kis gali main mar gaye
    Ab koi makhmal pe sulayega toh kya

    Sara jism chhalni hai dararon se bara
    Daman main sayim gul khilega toh kya

    ©sayim_m

  • sayim_m 4w

    Tanha Hai

    Aa jao tera bemaar tanha hai
    Soya bheed main, bedaar tanha hai

    Kon mera sath deta saqi niche
    Upar mera parwardigaar tanha hai

    Haan hum dost aik dosre ke liye hain
    Lekin har koi yaar tanha hai

    Kitni bastiyan rehti thi aik sath
    Aj yakdam sara bazaar tanha hai

    Main kis se madawa kara'on udasi ka
    Mera toh ghamkhaar tanha hai

    Tujhse milte waqt bhi yeh
    Kambakht dil har baar tanha hai

    Parinda duur baitha hai shak pe
    Uski sari qataar tanha hai

    Main takiye se lipat kar ro raha
    Neend bistar pe sharmsar tanha hai

    Main yahan chirag jalaye hoye hon
    Raat kahin farar tanha hai

    Kahani khatam hogayi shayad
    Is ka har kirdaar tanha hai

    Faqat mere akele ki baat nahi
    Sayim, mera pura sansaar tanha hai

    ©sayim_m

  • sayim_m 8w

    Tere koche se jab kabhi nikalte hain
    Gali ke bachon se khelne lagte hain

    Phir bhi TU nahi ata khidki pe
    Jan boch kar hum shor uthate hain

    Mere alfaz bhi kitne munafiq nikle
    Tujhe dekh apna mani badalte hain

    Haan, mera sheher bohat ajeeb hai
    Sare chehre tujhse milte jhulte hain

    Theek hai, ke tum sath nahi ho mere
    Phool aik sath kahan khilte hain

    Akela main nahi udas yahan yaaro
    Mere sath barish main parinde rote hain

    Bahar ayi par TU konsa aane wala hai?
    Judai main saalon mausam guzarte hain

    Yunhi din guzarte hain zindagani ke
    Apna samna ho toh khudpe thokte hain

    Ajeeb hain mere andar ki khamoshi sayim
    Jaise mare hoye pe log cheekhte hain

    ©sayim_m