Grid View
List View
Reposts
  • sharafalamkode 2d

    മനസ്സിന്റെ മരുവിൽ ഓർമ്മകൾ
    പൊടിക്കാറ്റായ് വന്ന് മേയുമ്പോൾ
    വിരഹം കുന്ന്കൂടാറുണ്ട്
    മണൽ തിട്ടകൾ പോലെ ..
    അപ്പോഴാണ് നീ വിളിക്കാതെ
    ഞാൻ നിന്നിലേക്ക് ഓടിയെത്തുന്നത്
    ഒരു മഴ കൊതിച്ചു ..
    തണുത്ത ഇളം തെന്നൽ കൊതിച്ചു ..
    നിൻറെ കണ്ണിലൂടെ നിറം തൂവുന്ന
    കാഴ്ച്ചകൾ കണ്ട് ..
    ഉരുകുന്ന മരുവിൽ നിറയുന്ന മരുപ്പച്ച
    രുചിച്ചു ..മഞ്ഞു പൊഴിയുന്ന
    നിന്റെ വെളുത്ത ചിരിയിൽ ലയിച്ചു ..
    എല്ലാം മറന്നൊന്ന് ചിരിക്കാൻ .
    ഇനിയും ചിറകറ്റ് വീഴും വരെ നിന്നിലേക്ക്
    പറക്കണം ..
    പ്രണയമെന്നോ സൗഹൃദമെന്നോ
    എന്തു പേരിട്ട് വിളിച്ചാലും ഈയുള്ളവന്
    ഇതൊരു പുനർജന്മമാണ് ..


    ©sharafalamkode

  • sharafalamkode 1w

    ഇനിയും അകന്നകന്ന്
    പോവണം
    നമുക്ക് അടുത്തറിയാൻ ..
    അടുത്തിരിക്കുമ്പോൾ
    ഇനിയും അകലുന്നതിനെ
    കുറിച്ച് പറയണം
    അത്ര മേൽ ഇഷ്ടത്തോടെ ...


    ©sharafalamkode

  • sharafalamkode 1w

    അവഗണിക്കുന്നവർ
    പരിഗണിക്കുന്ന
    ഒരു കാലം വരും ..
    പരിഗണിക്കേണ്ടവർ
    അവരെ
    അവഗണിക്കുമ്പോൾ ..


    ©sharafalamkode

  • sharafalamkode 1w

    അത്രമേൽ പ്രിയപെട്ടവരെ
    വഴി വെട്ടി തിരഞ്ഞു ചെല്ലുംമ്പോഴാണു
    നാമറിയുക ...
    കാത്തിരിപ്പിനേക്കാൾ സുഖമുള്ള നിമിഷങ്ങളേറെയുണ്ടെന്ന് ..



    ©sharafalamkode

  • sharafalamkode 1w

    ചിലർ മരണം കൊണ്ടെഴുതുന്ന
    നോവിന്റെ കവിതകളുണ്ട് ...
    ഒടുവിലെ യാത്രയിൽ ഒരുപാട്
    ചോദ്യങ്ങളാൽ
    കോറിയിടുന്ന കവിതകൾ ...
    കുഞ്ഞു കണ്ണുകളിൽ ..
    പ്രിയപ്പെട്ടവളുടെ കവിൾ തടങ്ങളിൽ
    കണ്ണീരിനാൽ ഒലിച്ചിറങ്ങുന്ന
    നോവിൻ കവിതകൾ ...


    ©sharafalamkode

  • sharafalamkode 2w

    ചില തുടക്കങ്ങൾ
    മറ്റു പലതിന്റെയും
    അവസാനമായിരിക്കും .
    ഒരു രാത്രിയുടെ ...
    അല്ലെങ്കിൽ
    ഒരു പകലിന്റെ ...


    ©sharafalamkode

  • sharafalamkode 3w

    നീ വന്നാൽ കടല കൊറിച്ചു
    നമുക്ക് കടലും
    കണ്ടിരിക്കണം
    കട്ടൻ ചുണ്ടോടുപ്പിച്ചു
    കണ്ണിറുക്കി ചിരിക്കണം ..
    പകുതി ചിതൽ തിന്ന
    ബാല്യത്തിന്റെ
    പൊതികൾ കെട്ടഴിക്കണം ..
    അതിലെന്നെയും
    നിന്നെയും കാണാം ..
    ഒരു ബെഞ്ചിൽ ...
    ഇടവഴിയിൽ മാഞ്ചുവട്ടിൽ ..
    അങ്ങിനങ്ങിനെ
    നമുക്ക് പുറകൊട്ട് സഞ്ചരിക്കണം ...
    പണ്ട് പാവാടത്തുമ്പിൽ
    കൊളുത്തി വലിച്ച
    തൊട്ടാവാടി കൂട്ടങ്ങൾക്കിടയിലൂടെ
    ചാഞ്ഞ കൊമ്പുകൾക്
    കൈകൊണ്ട്
    വകഞ്ഞു ഇടവഴികളിലൂടെ
    നിന്റെ കൈ പിടിച്ചു
    വീണ്ടുമാ ബാല്യത്തിലേക്ക് ..




    ©sharafalamkode

  • sharafalamkode 3w

    മനസ്സിൽ പുല്കിയിരിക്കുന്ന
    മോഹങ്ങൾ നിന്റെ വരികളെ
    ചുംബിക്കാറുണ്ട് .
    പ്രണയമേ ....
    നീ എഴുതുക നിൻ ഹൃദയം ..
    വെയിൽ വീണ് ചുട്ടു പൊള്ളുമ്പോൾ
    ഞാനത് തണൽമരമാക്കിക്കോളാം .

    ©sharafalamkode

  • sharafalamkode 5w

    കണ്ടുമുട്ടിയിട്ടും
    കാണാമറയത്തേക്കൊളിക്കുന്ന
    പരിചിതമായ നീ
    അപരിചതരെ പോലെ ....

    ഒന്നു മിണ്ടാമായിരുന്നു
    നീ പിന്തുടരുന്ന പേരുകളിൽ
    ഞാനില്ലെങ്കിലും ഒന്ന്
    പുഞ്ചിരിക്കാമായിരുന്നു ..

    നീയാണെന്ന് എനിക്കുറപ്പിക്കാൻ
    ചുമ്മാ വെറുതെ ,,



    ©sharafalamkode

  • sharafalamkode 5w

    ചിലർക്ക് നാം
    ആരുമായിരുന്നില്ല
    എന്ന് തോന്നി തുടങ്ങിയാൽ
    ചുറ്റും ആരുമില്ല എന്ന
    ചിന്തയിലേക്ക് വഴി മുട്ടുന്ന ഒരു
    രംഗമുണ്ട് ..
    മറച്ചു പിടിക്കാൻ മറ്റൊരു
    ഭാവം അഭിനയിക്കാൻ
    കഴിയാത്ത രംഗം ..


    ©sharafalamkode