Grid View
List View
  • vimeyiekho 2d

    "LARÜNUO"

    Teiso kesa kesia ba penuo
    Niaki kethu kele ngushü ro,
    Larünuo n rüli le nousuo.
    Dzü ü ba n ülie thenyüsie
    Umho gei rei n pema sü mo;
    Ketsie sepie n za thunyü rei
    A thachüyo a kele dukhri.
    Larünuo no rüna kepetsera
    Meho di n nou luoya mo nhie?

    Vimeyiekho Vitso

  • vimeyiekho 4d

    "SIKEMORA"

    Peranuo ruo ketsa rütso rei
    Sikemora pruo votayaluo;
    Themia kelhou rei sümhie zole.
    Kekhrie se nie tsü nie rüsa rei
    Nyüzazai zo di hie therhie,
    Niakiluomia puo chü ücü we
    Nie melou dze pfhüyatuoluo rei
    Miamomia chü ura keba ze,
    Sikemora rei nie nei tuocie.
    Telha me par ro te kijü va
    Kezha tuoi nie merü tha rei
    Nie we tuo se sikemora ru,
    Vükrü nuo ko kelokewa mhie
    Melimekuo n rükra tuotie.

    Vimeyiekho Vitso

  • vimeyiekho 1w

    "KHRIESARÜÜ CHATHAU"

    Yietse kekra keba donu rei
    U themia ha pie keniepu di
    Seyie zhazhü pfhüzhüyaluo shie.
    Krüta kevi mho kevitho-u
    Theja kepfü u kehou co-u
    Khriesarüü chatha keviu
    N kepenuo teisozha nhie we
    Teirüteinia teigei zha keduo
    Khriesarüü khe n tshe dinu
    N kepenuo zha nyi phralie lho,
    Nza chie zo 'Kezhaletuo' ü
    N kelhou ha khriesarüü la
    Zayie ramei puo tuoi zeru
    Vi pephou rhei kechau chüluo.

    Vimeyiekho Vitso

  • vimeyiekho 2w

    "AMELOU"

    Amelou no rülita hieluo
    Themia thuo khrü gei volieta rei,
    No ndzüzei mia mengu hieluo
    Khrüthemvü gei nouluoprü jü shie.
    Sonaü nu zayie chütuo rei
    Amelou no n nei puo zeru,
    Rüdita mo puo merü thaluo.
    Khisoteiluo thevü kekhu ha
    Amelou va pesouyaluole.

    Vimeyiekho Vitso

  • vimeyiekho 3w

    "KEKHRIE-e U KEVITHO CHAYA"

    Dziezhü shüpie uneimia va ro
    Vapie puo bu meyhumezhiecie
    Kekhrie-e u kevitho chaya.
    N neimo di puo kerhietuo ro
    Rüpfhürüse puo neimo chücie
    Kekhrie-e u kevitho chaya.
    U neimia gei medatuo üro
    Medacürü pesou zoshüyi
    Kekhrie-e u kevitho chaya.

    Derei derei, sikewa mhodzü
    Kekhrie ketho rüli leshücie.
    No puo khrieya ro silie lho zo
    Uneimia sü u meloubo-u
    Kekhrie-e u kevitho chaya
    Süla no puo pechüwahiecie!
    Nethe kerie nu thukeshüko
    Keyu tuoi sedekeshü zo.

    Vimeyiekho Vitso

  • vimeyiekho 3w

    "Take Heart"

    Life is at times bewildering
    More when it's with the heart
    Cry not, life has to go on.
    Not all you love will love back
    Nor all you hate will hate back;
    But once you've loved
    Love must remain.
    Take heart and keep loving
    One day love will win.

    Vimeyiekho Vitso

  • vimeyiekho 5w

    "AZHÜNUOYO"

    Kijü razha kezivi donu
    Noune ketho ngukelie mhie rei
    Azhünuoyo sü akeneitho.
    Arüli rei pete kesiu
    No ha moro aneitseilie mo,
    Mha kevi khe ngu mu cüya rei
    Awe rei se azhünuoyo le
    N mengu di mehei thaya ho.
    Azhünuoyo a kekhrietho-u
    Azhünuoyo a mengutho-u
    Azhünuoyo no arüli si
    Asè nhie rei n geinu awe
    Rüli zhü di kijükhro nu le
    Zoyatuo mu azhünuoyo sü.

    Vimeyiekho Vitso

  • vimeyiekho 6w

    Thepfuu puo kelhou zha mu cha, thenupfü lhou mezumeze di unei phikecü puo idi keselie üsi. Unie kesekelie sie kerüya di keze kepenei bata.
    Thepfuu : Kekhriepfü, no kedipuo chüya ga?
    Thenupfü : Teacher chüyale, noro?
    Thepfuu : Aro Captain chü ba.
    Thenupfü rei thepfuu chüpahi kezha chü keba le mu thepfuu rei thenupfü sorkari kepetha chü keba le di unie noumvü phi ba, sü rübei kemo unie krünuoko rei u kele phre bata. Ru unie kiya keseketuo la kerüchü sie tse thepfuu uko colony nu House Captain mu thenupfü Sunday School Teacher chü ba ücü silie. Hau silie di unie rei unie dzükerüchü mu u ziejü vorta. Derei kekhrie ketho keba sü keze lhouta üsi

  • vimeyiekho 6w

    "RÜDITALIE LHO"

    Teirüteikhrie we rüdiya rei
    A n kekhrie rüditalie lho.
    Seiketsa lhou rüdiya shierei
    A n kekhrie rüditalie lho.
    Khrüthemvü puo tha rüdi rei
    A n kekhrie rüditalie lho.
    Nhachünhara lhou rüdita rei
    A n kekhrie rüditalie lho.
    Themia kelhou jü rüdita rei
    A n kekhrie rüditalie lho.
    Nthuo avie chümvü rüdi rei
    A n kekhrie rüditalie lho.
    Athuo asi mo lhou rüdi rei
    A n kekhrie rüditalie lho.

    Vimeyiekho Vitso

  • vimeyiekho 9w

    Mhanuü abu n khrielie kevi tei puo pie atsü di no aze kijü nu kelhou hau pevotuo ücü we n khriepie nbu n zie kejü chüshünyü zole.

    Vimeyiekho Vitso